صالح رجب : شخصيه مقابلتش ومش هقابل زيها يتمتع بكميه لا يستهان بها الشيطنه والفكر الاجرامي مع مزيج غريب من الردود القاتله في مواضع الرد لذلك فقد استحق لقب الاسطوره عن ملئ فم... ولانه مميز فأنا بحبه..(انتظرو صالح رجب بعد 20 سنه خلف الاسوار).
صالح درويش: رجل الاتش ار و العلاقات بتاع ستب المخلص (بن السوسو) وانا فكرلو كلمه لحد دلوقتي ومش هنساها لانها بتتحقق ودايما كعاده بتوع ستب يقولي انا بحبك والله انا كمان بحبه
احمد اسامه :وله القاب كثيره منا ليبتون وهذا لقب لم اعاصر حصوله عليه ولكنني عاصرت لقب الاصفر اثناء المنازله الشهيره بيننا وعاصرت لقب العميد مؤخرا ..وليبتون احد الاعضاء الدائمين في جمعيع "المحبوب" والتي تضم من احبهم في هذه الدفعه .(انتظرو ليبتون وهو متجوز ومخلف عيل وبيغيرولو الكفوله )
احمد الفولي: او كما اسميه الفولي بيه او الفولي باشا او جناب الفولي رجل منذ الكلمه الاولي والنظره الاولي تكتشف انك امام شخصيه ذات كاريزما خاصه بنسل البشوات والبكوات وانا عن نفسي حبيته من قبل متعامل معاه اصلا من ايام سكشن المساحه فوق السطح .(انتظرو الفولي بعد 10 سنوان احد بشوات مصر..بس ابقا افتكرنا بقا يا فولتي).
احمد مكاوي : او الشاب تاكي ..منذ اولي سكاشن سنه اولي مدني وانا اسمع الناس تتحدث عنه وعندما شاهدته وجدت ما كانو يقولون بالفعل انه حقا شاب تاكي جدا.(انتظروه بس معارف فين وامتي بصراحه ).
احمد ياسر و زاهر وابو نعيم :ثلاثي اضواء الدفعه الي بجد شكر كبييييييييييييير قوي ليهم علي الي عملوه وصيتهم سابق طبعا من ايام طه (الهواااااا) ربنا يباركلكو يا شيخ انت وهوا ويفرحكو زي مفرحتونا.
احمد علي داووود ...الشهير بالدودز وهو مش محتاج اتكلم عليه بقا انتو عارفين .(انتظروه في كل حته بقا ).
احمد صلاح :الشهير بتوتو ..يعني السباحه ..يعني المحليه والعالميه ..يعني البلبطه والطرطشه ..يعني الميدليات ..يعني بطل فيلمي القادم..(انتظروه علي افيش فيلم من تأليفي)
حازم المتناوي:الشهير بأبن الظابط ....يعني المسخره عند طه ..يعني خفه الدم ..يعني البدرشين ومحافظات الجمهوريه .(انتظروه بردو ده ليه مستقبل هايل )
احمد يوسف :الشهير بجوجي (علي وعمرو) يعني سكشن 2 يعني طه يعني فاطمه رشدي يعني صلاه التراويح يعني البنش بلاطه والبطن شكلاطه يعني الجم يعني اخويا الي بحبه .
وفي النهايه لو اسمك مش فوق ده مش معناه انك مش عضو في جمعيه "المحبوب" ...لأ الجمعيه فيها كل سكشن 2 وكل سكشن 3 الي قضيت معاهم ايام كتيييره بردو و اعضاء سنتر جلاكسي كلهم وناس من برا السكشن وبيجوش عند طه ناس كانو معايا من ايام ابتدائي واعدادي وثانوي وفضلو معايا وبجد بحبهم
وهختم كلامي بكلمه
واحده بس
بحبكو
