عجنو العجاين يا امايه ....وانا طير مسافر في سمايه..
عجنو العجاين في بلدنا ..
كلو حقنا وحق ولدنا
وحلو بحلايا من قوتنا ..
وشاينا شربوه في الكبايه
عجنو العجاين جوانا ..والكره والرعب ملانا
لازم تخاف لازم تخضع ..
لازم تموت عايش ترضع..ذل القلوب الضعفانا
رضونا بالظلم القاسي..صبحت حياتنا دي مقاسي
ناس عايشه في قصور وجناين..والقرش في ايديهم هاين
ولا يعرفو ربي وربك والفحش في هدومهم باين
والباقي عايشين في سكاين ..ملهاش ملامح وتباين
ملهمش غير رب الاكوان ..يدعوه يلبي في كل اوان..علي رزقهم يبكون عاين
والرزق من ربك ايه..وعجنو العجاين يا امايه
عجنو العجاين في قلوبنا ...قتلو الفرح جوا شبابنا
يتخرج الشاب يدور ...علي شغل او حاجه تنور
مستقبله يلقي الواسطه....اودام عينيه حاسب ياسطه..شغلانه محجوزه السطه
لابن المحافظ خلصانه ...وفقيها ورده وبوسايه...وعجنو العجاين ياامايه
عجنو العجاين خلونا ...زي البهايم وبعونا...للغرب والغرب خدونا
علي حجرهم شفنا بلاااوي...افلام وسكس لو غاوي
اشي بيضه واشي سامره يلهوي...اشي "نور" مسلسل يندهلي
اسمع ميتال واصرخ جامد ...واشرب كاسين يلا يا جامد
ده الشرب ده اصله حكايه...وعجنو العجاين يا امايه
عجنو العجاين يا امايه..وبلدنا صبحت غلايه
بيغلي فيها دمي ودمك..لما يموت ابني وابنك ...
ولا حته تنزل دمعايه
ولما يموت ولِد الريس يصبح شهيد حرب لموته
لابد نبكي لسقوطه..من حضن جده يا ضنايه
مفدهيه ابني او ابنك..نبكي علي موتهم ليه؟
دول حتي حبه هلافيت الفحل فيهم هيكون ايه؟
حته مهندس او دكتور ..ميستحقش نبكي عليه
اما الحليوه ابن ابن الريس..كان يوم هيبقا ريس بيه
نبكي ونبكي من ظلمه ..طالع لجده جبروت ايه
اهو ده الي لازم حتما جدا نبكي عليه
ودموعنا تنزل بحراره ..من حر نار الغلايه..وعجنو العجاين يا امايه
عجنواعجاين يا امايه..وانا طير مسافر في سمايه
مش عارف افضل اطير ولا...ايأس وييئس جوايه
وسعتها تبقي دي نهايه ...عجن العجاين جوايه
اسلام البدري
25/5/2009
